-Аһы тоҕор-хорор сатаммат.

-Ас астыыр киһи ыраастык туттуохтаах.

-Кыыһыра сылдьан астаама.

-Бурдук ас буһардахпытына оһоххо бэрсэбит

-Аһы ыстыы олорон ыкка биэрбэттэр

-Уҥуоҕу ылан уокка бырахпаттар.

-Туран эрэ аһаабаттар.

-Астан көҥөнөр -аньыы.

-Аһынан оонньуур-аньыы.

-Аһыы олорон этиһэр табыллыбат.

-Аһаан баран иһити хомуйбат-сатала суох.

-Дьон саас эбэлэрин,олорор алаастарын хайаан да аһаталлар,этэҥҥэ буолуохха диэн көрдөһөллөр.

(«Мин сахабын» кинигэттэн)

Ырысыап

Биһиги урут ынах этин, оҕо сылдьан ,оһох ааныгар үтэн сиэччибит.Онно майгынныыр ынах этин халахытан буһарыы.

-Ынах этэ                               — Ынах арыыта

-Мас арыыта                          -Туус,биэрэс

Ынах көхсүн этин ылыахха сөп,тоҕо диэтэххэ сымнаҕас уонна ордук симэһиннээх буолар.Хобордооҕу ититэбит,онно мас арыыта куппакка,эти икки өттүттэн мас арыытынан биһэбит.Эппитин туустаабакка,биэрэстээбэккэ саһархай буолуор диэри икки өттүн буһарабыт,онтон уоппутун кыччатан баран,икки өттүн салгыы өссө биирдии мүнүүтэ буһара түһэбит.Онтон ууллубут ынах арыытынан хас биирдии өттүн биһэбит,туустуубут,биэрэстиибит уонна итии иһиккэ икки мүнүүтэ фольганан сабан сытыара түһэбит.